| Presidente da Repúblika DR.
José Ramos Horta hateten katak, farda foun ne'ebe
agora FFDTL uza, importante teb-tebes, maibe importante
liu mak atitude ema ida-idak nian atu respeita no konsidera
farda ne'e. F-FDTL tenki hamrik imparcial atu protege
integridade, soberania, povo no interese nasíonal
povu nian.
"Farda ne'ebe imi uza, hanesan
hena ida deit. Maibe importante liu mak ími (F-FDTL)
ida-idak nia hahalok atu fo honra ba farda ne'e. F-FDTL
mós tenki halo nia servisu ho profesional nune'e
bele servi interese nasional, liu-liu atu fo siguransa
no defesa ba rai no soberania tomak" Dr. Ramos
Horta kasu lia hirak ne'e bainhira partisipa iha seremonia
entrega uniforme foun ba F-FDTL iha Palacio Governo
Dili Tersa-Feira (26/06). Horta hateten katak, ema ida-ìdák
tenki kuidadu farda ne'e hodi servisu ba nasaun ho loyalidade
no komportamentu ne'ebe profesional. Nia mos hatutan
tan katak, agora dadaun Ia iha ona funu konvensíonal,
maibe F-FDTL tenkí prepara-an atu protege rai
ne'e husi funu non-konvensional hanesan terorismu, krime
organizadu, trafiku internacional no asaun ilegais sira
seluk. Nune'e, Horta husu atu F-FDTL hamrik no hala'o
nia servisu ho profesionalismu tomak hodi respeitu ba
lei no direitus humanu. Horta mos promete katak, hanesan
Presidente, nia sei tau matan no hakbiit-an tomak atu
ajuda no dezenvolve forca F-FDTL.
lha fatin hanesan, Primeiru Ministru,
Eng. Estanislau Aleixo da Silva hateten katak, uniforme
foun ne'e refleta ita nia herois no funu nain ne'ebe
sakrefisiu sira nia an durante tínan 24 hat nía
laran. Farda ida ne'e mos hatudu ona íta nia
dignidade no identidade nudar nasaun foun ida nia militar
rasik.
"Durate tinan 24 nia laran FALINTIL
laiha farda. Nune'e mós ukun-an tiha durante
tinan 5 nia laran, F-FDTL seidauk iha farda rasik, maibe
hatais deit farda sira ne'ebé nasaun amigos sira
fó mai, liu-liu husi China, Portugal no Brazil.
Nune'e iha tinan 5 nia laran, Governo tenta makaas atu
dezenvolve forca defesa ho kbiit no rekursu ne'ebe iha
maski iha kondisaun ne'ebe limita tebes. Farda ida ne'e
hatudu mai ita orgulu boot ida, liu-liu ba heroi sira
no identidade ita nian. Ho ida ne' e, F-FDTL bele hala'
o nia funsaun ho diak liu tan, hodi protege riku-soin,
soberania, no teritoria tomak", dehan Estanislau.
Nia mos hatutan tan katak, Governu Timor Leste laiha
intensaun atu hola misil ou armamentu boot, maibe importante
liu mak oinsa atu dezenvolve forca defesa ida ho kapasidade
profesional no modernu hodi bele responde ba problema
seguransa no defesa iha area Tímor Leste nian.
Seremonia ida ne'e hahu ho parada
militar no integra uniforme foun husi Primeiru Ministro
ba Brigadeiro General Taur Matan Ruak. Prezensa iha
seremonia ne'e, membru diplomata tomak iha Timor Leste,
Membro Governu, membru Parlementu sira, Offisiais F-FDTL,
PNTL no adiado militar iha Dili. (dj/nc) |
