Aprender, Lutar e Servir

Dili-PI

Cerimónia ofisializasaun ne’e hahu iha dader tuku 09.00htl, no partisipa husi Presidente da RDTL, Dr. José Ramos Horta, Primeiru Ministro da RDTL, Eng. Estanislau da Silva, Presidente do Tribuna de Recurso, Dr. Claudio Ximenes, membros do Governo, adidos militares no Corpos Diplomaticos sira.

Brig., Gen. Taur Matan Ruak iha ninia deskursu tamba ne'e primeira vez uza sira nia farda rasik. Nia hatutan katak, liu tinan 6 ho balu mak hari exersitu ida ne'e, iha tinan 30 resin iha istoria, primeira vez F-FDTL hatais nia farda rasik. “Ne'e orgulho bo'ot ida mai hau hanesan ema ida serviso iha Forsa Armada” Taur komenta.

Relasiona ho estabilidade rai laran, Taur hateten katak F-FDTL iha nebe-nebe deit prontu atu fo kontribuisaun ba pas no establidade iha rai ida ne'e.

 

 

 

Dili, PI

Primeiru Ministro no Ministro Defesa, Eng. Estanislau da Silva hahi esforsu nebe instituisaun F-FDTL no PNTL halo hodi garante seguransa ba povu no rai ne'e.

Nia dehan forsa rua ne’e hanesan maun alin hodi servisu atu kontribui, atu proteze no kaer seguransa. Nia hateten lia hirak ne'e iha ninia deskursu durante cerimonia ofisilizasaun fardamentu foun F-FDTL nian.

Nia husu ba instituisaun rua ne'e atu hatudu nafatin profesionalismu, disiplina dignidade no respeitu liu husi asaun no hahalok.

Iha oportunidade ida ne'e, xefi governu mos koalia kona ba planu Forsa Defesa 20/20. Estanislau hateten planu 20/20 ne'e hanesan planu ida nebe atu marka Timor oan sira nia presizu iha futuru Forsa Defeza nian.

Kona ba farda foun nebe mak F-FDTL simu, Xefi do Governu ne’e aforma katak forda foun ne'e representa pasu ida nebe ki'ik maibe importante. F-FDTL mak ai-rin ita nia nasaun nian, hasoru dezafius barak atu defende no kaer seguransa nasaun ida ne'e.

Chefe Estado Maior General das F-FDTL Brig. Gen. Taur Matan Ruak declara katak estatutu Alfredo Alves Reinado to’o agora sei militar ka lae sei determina depoi dialogu nebe estadu esforsu dadauk hela.

Brig. Gen. Taur hateten lia hirak ne’e ba jurnalista sira hafoin partisipa iha encontru semanal ho Presidente da República, Quarta (27/06), iha palasio da sinzas.

Ho problema hirak ne’e, estadu no igreja esforsu hela atu halo dialogu ho Grupo Major Alfredo no Salsinha hodi rezolve problema. Ba estatutu petisionario, governu desidi ona katak sira sai hanesan sidadaun bai-bain. Petisionario sira ne'e, governo sei kria kondisaun.

Kondisaun hodi bele hadia sira nia moris ba futuru.

Ba grupo Alfredo nian, sei halo dialogu mos hop estadu inklui F-FDTL atu diskuti kona ba problema nebe mosu iha F-FDTL nia laran no sei pretense ba justisa. Alfredo mos deklara ona katak nia prontu atu entrega an ba justisa no entrega kilat.

QG, PI

Forsa de Defeza de Timor Leste no Polisia Nasional de Timor Leste hanesan ema nebe kaer kilat no tau farda primeiro lugar tenki hatene direitus humaos para bele respeita ema seluk nia direitu.

Presidente da Republika, Dr. Jose Ramos Horta hateten lia hirak ne'e, wainhira hola parte iha serimonia abertura worksop kona ba Direitus Humanos ba F-FDTL nebe organiza husi Ministerio Defesa durante loron rua iha Quartel das F-FDTL iha Tasitolu, tersa (03/07).

Horta esplika katak, mesmu ke worksop nebe halao ba F-FDTL ne'e loron rua deit no la sufisiente maibe nia koalia tiha ona para programa sira ne’e tenki halo sistematiku.

Serimonia abertura ne'e partisipa mos husi Chefe UNMIT, Atul Khare, Comandante Interino das PNTL, Afonso de Jesus, Deputy SRSG, Gen. Erich Tan, Ms. Ruth Kotmani, Chefe ONG ICRC, Sr. Estanislau Guterres Kordenador Crus Vermelha de Timor Leste (CVTL), Brig. Gen. Taur Matan Ruak no Ofisiais Subalternus F-FDTL nian. Partisipantes sira ne’e mos balu sai hanesan oradores durante workshop ne'e.