Kontinuasaun...

Maske nune’e, ho brani hatoo katak, nudar ema Timor oan nebe hanesan rai ida nia na’in mesmo ke atu FSI taka metin halo nusa mos sira sei dolar sai husi FSI nia kelen le’et.

Alen de ida nee, tuir observasaun diario nee nia iha Sexta (20/07/2007) lokoraik iha Tibar neba, FSI mos movimentu maka’as hodi mantein iha Estrada ninia kruzamentu (simpan tiga) Dili Ermera no Dili Liquisa ho kilat boot. Movimentu ida nee halo iha dalan hot-hotu tama mai Dili.

Entretantu iha fatin seluk, prosesu atu kontrola Major Alfredo Alves Reinaldo no ninia grupu sira hosi FSI bazea ba orden estado hodi labele movimento ho armas tama capital laos halao deit iha Distrito Manufahi, maibe halo iha Distrito sira seluk hanesan capital Gleno-Ermera nebe sai baze petisionario nian. Situasaun ida nee, akontese iha Sexta (20/07/2007) dadersan too agora.

Tuir informasaun nebe Jornalista Timor Post, Carlito Soares hato’o hosi centro capital Gleno, Domingo (22/07/2007), movimentu FSI nian iha Distrito neba hahu kedas desde Sexta feira dadersan.

Nia hateten, agora dadaun suku Lau-Ala Distrito Ermera maka sai hanesan movimentu FSI nian. Iha neba, FSI ho kareta no Avião semo ba mai hodi halo povu sira paniku e aumesmu tempu povu rasik mos seidauk hatene ho motivu saida.

Entretanto Paulo Saores, populasaun ida husi Lau-Ala hateten, nia senti paniku tebes ho movimentu FSI nian nebe ho Aviao no kareta bobot iha neba.

Tuir nia, populasaun so hatene maka han no hemu. Sira lahatene kona ba politico. Nee duni sira husu atu FSI labele hodi material bobot sira nee hodi halo paniku sira.
Nia hateten, akontesementu Same ba sira populasaun, hanesan lisaun ida ona. Tamba nee, see FSI hakarak buka ema ruma karik labele halo hanesan nee para too ikus sira povu ki,ik maka sai fail vitima.

Iha parte seluk, liafuan hanesan mos hatoo hosi Armindo katak, hahu iha Sexta dadersan kedas iha mota koak sira FSI movimentu hotu. Sira rasik lahatene ho motivu saida.
Nia hateten, sira populasaun iha neba senti trauma no senti la aseguru ho prezensa FSI nian nebe ho Aviao no kareta halo movimento maka’as iha neba. Tuir sira, keta hanesan nee buat ruma atu akontese ladiak karik.
Entretantu hori kalan kuaze tuku 8 to’o 10, iha fatin balun iha kappital Dili laran ladun hakmatek.

Tuir observasaun nebe maka diario ne’e hetan katak joven sira sunu roda iha fatin balun hanesan Tuanmalaran, Fatuhada (Lanud nia oin), Kakaulido – Surik Mas .
Tamba ho situasaun hanesan nee polisia internasinal hamotuk ho polisia nasional tenke atua situasasun hom seriu duni. Fatin sira nebe maka polisia tenke hasai kilat musan(tiru) maka iha Surik Mas no Tuanalaran. Bainhira hare aisoar no rona kilat tarutu, populasaun barak iha capital Dili laran ladun tur akmatek, tamba senti trauma. Iha Estrada tanke funu nia halai bamai hodi hatudu katak Dili agora iha perigu nia lara. (rio/azy)