Farda foun ba F- FDTL suporta
manutensaun lao diak.
Dili, Timor Post 22/08/2007
Dr.Julio Tomas Pinto informa katak
hafoin nia parte no asesor sira nebe maka nia sei
husu hodi hare didiak lei ne’e hotu maka foin
haruka ba konselhu ministru hodi halo diskusaun molok
lori ba Parlamentu Nacional.
Tuir nia katak lel ne’e importante
teb-tebes tanba lei ne’e sei regula kona ba
funsionamentu militar TL nian no buat sira nebe maka
sei sai hanesan ameasa ba nasaun.
“Governu foun ne’e prepara
lei ida ne’e, lei ida ne’e draft iha ona,
agora daudaun hau husu adviser sira para halo took
diskusaun ho ami para prepara took lei ida ne’e
ba oin,” dehan Pinto ba Diário ne’e
iha ninia servisu fatin horseik, Palacio Governu,
Dili.
Lei defeza nasional ne’e atu
regula kona ba saida mak amesa ita, regula kona mos
ba funsionmentu militar nian iha rai ida ne’e,
regula kona ba utilizasaun mekanismu defeza sai ba
ita nia rain, purexemplu, ita utiliza seguransa preventiva
ou ita uza mekanismu saida”.
SED Tomas husu ba partidu tomak iha
parlamentu nasional liu-liu Fretelin hodi bele fo
sira nia kontribusaun ba lei defeza ne’e, bainhira
lori ona ba Parlamentu hodi deskuti. Tanba nia dehan
,”Lei seguransa nasional ne’e laos deit
favorese ba partidu ka rua ka organizasaun ruma deit,
maibe ba timor-oan hotu.
Eis Analizador Politika no Seguransa
iha vizaun boot hodi oinsa bele dezenvolve F-FDTL
atu sai militar nebe ho numeru ki’ik maibe ho
profesional duni.
Kona ba divizaun militar nian, Pinto labele esplika
buat ne’e, tanba ne’e kompetensia komando
F-FDTL nian.
Iha oportunidade ida ne’e,
Pinto hatudu ninia suporta positivo teb-tebes ba farda
foun nebe maka dadaun ne’e f-FDTL simu iha tempo
Governu tuan.
Nia dehan ho fardamentu ho kor hanesan
ne’e mos diak ida atu oinsa manutensaun ne’e
bele lao diak ba oin, no oinsa bele hadia liutan simblu
unidade nebe ke iha F–FDTL nia laran hodi bele
ba oin.
Pinto hateten kuandu farda militar
mak kor modelu la hanesan bele sai presaun psikolojiku
ba militar rasik, tanba farda ne’e hatudu espiritu
korps ba militar.
“Farda buat ida ke importante
ba militar, iha siensia militar nian ema dehan katak
farda ne’e para hatudu espiritu korps ba militar,
ne’e mos iha ligasaun ho disiplina militar,”
tenik nia. “Farda nebe mak kor la hanesan mos,
ne’e bele sai fali hanesan presaun psikolojiku
ba militar rasik, hanesan lafiar-an, ho seluk-seluk
tan.
