DILI, TP.

Dili, Timor Post, 20/09/2007

Dili, Komandante F-FDTL Brigadeiru Jeneral Taur Matan Ruak pronto atu simu sai nudar Xefe Estadu Maior Jeneral F-FDTL nian iha tempu besik mai ne’e husi prezidente repubika.

Eis Komandante Falintil hato’o ida ne’e, Kinta (20/9) hafoin hasoru malu ho prezidente republika, José Ramos Horta, iha Palacios da Cinzas Kaikoli, Dili.

Tanba nia konsidera tina hitu ona lasimu kargu ida ne’e, no tan kargu ida ne’e aumenta tan nia servisu to’o tinan lima.

“Hau agradese barak ba governu tanba tinan hitu ona hau lasimu kargu ida ne’e, no ho kargu ida ne’e hau sei hela tan tinan lima,” tenik nia.

Durante hasoru malu ho prezidente repubika koalia mos kona ba situasaun rai laran, li-liu situasaun iha parte leste.

“Situasaun laiha buat ida, ami planea atu retira forsa sira iha fatin-fatin. Kona ba seguransa forsa iha fronteira, seidauk koalia to’o iha neba. Maibe durante ne’e seguransa lao diak iha rai laran, li-liu parte leste,” tenik nia.

Tuir informasaun nebe Timor Post rekolha katak, Xefe Estadu Maior F-FDTL Lere Anan Timor sei sai hanesan Brigadeiru Jeneral F-FDTL hodi troka Taur Matan Ruak. (Sar)