Dili, TP.
Dili, Quinta-feira, 26 de Julho de
2007
Iha kolokasaun ne’e ema numero ida iha F-FDTL
ne’e mos sei halo enkontru ho veteranos kombatentes
no resistensia sira hodi hamutuk buka solusaun ba
akontesimento ne’e.
Hanesan informasaun nebe maka iha katak desde desizaun
husi prezidente RDTL decide CNRT ho nia aliado forma
governu, simpatizante iha Baucau no Viqueque spontanitas
halo asaun violensia, hodi estraga no sunu edifisio
governu no NGO balun.
Ba Timor Pos Kuarta (08/08) iha salaun Nobre Lahane
antes atu aranka ba Baucau hateten, Taur Matan Ruak
hatete kazu VIqueque ho Baucau ne’e komplikadu.
“Senhor prezidente ohin fo orden Forsa tun
ona ba Baucau, balun sae ona ba hamos Estrada desde
Berkoli ba Venilale, e agora ami sei haruka tan
ba Viqueque. Aban ne’e ami sei halo apela
ba veteranu sira, antigos kombatentes, no Klandestina
sira hotu iha Baucau laran atu ba reuniaun ho hau
iha Baucau, depois atu kontrola situasaun, tanba
hau hanoin ema barak mate ba nasaun ida ne’e,
ema seluk beik ona, ita lalika beik tan ba sobu
ita nia rain rasik,” reafirma.
Taur mos esplika liu tan, emprinsipio pozisaun
F-FDTL ne’e statika deit, fixo deit, se maka
kontrola forsa Internasional, Polisia Internasional
ho ita nia Polisia (PNTL), mas ami disponivel ba
kualker orden, desde ke ami nia kondisoens permiti
para atu halo oinsa para kontribui ba paz iha ita
nia rain.
Kona ba governu foun nebe maka lidera husi Xanana
Gusmão eis prezidente RDTL, Taur hateten
ba dala uluk nia hakarak fo parabens ba sira hotu
nebe foin tome posse liu-liu ba ssenhor Xanana Gusmão
hanesan primeiro Ministro, preukupasaun povo nian
ne’e agora problema siguransa, siguransa ne’e
fundamental, laiha siguransa dezenvolvimentu labele
lao.
“Siguransa ne’e fundamental, laiha
siguransa dezenvolvimentu labele lao, deskontentimento
ne’e aumenta, ita fila ita nia nasaun ne’e
ba iha failed state, ne’e responsabilidade
ba Timor ona hotu-hotu, liu-liu sira nebe maka fo
sira nia an tomak ba independensia rai ida ne’e,
balun mate ona balun sei moris ba nasaun ne’e
ukun-an, hotu-hotu iha responsabilidade bot ba futuru
nasaun nian, sala barak ita halo, buat at barak
ke ita halo, tamben laos tarde liu para ita tenki
hadia fila fail, percijo ita hatene risko saida
maka ita nia rain bele hetan se karik ita lakohi
kopera,” reafirma tan.(tos)
