Dili, Komandante Falintil – FDTL
Brigadeiru General Taur Matan Ruak husu ba
publiku tenki respeitu F-FDTL no Polisia Nasional
Timor Leste (PNTL) nia servisu atu nune’e
nasaun bele lao ba oin.
Brigadeiru Taur Matan Ruak hato’o lia
hirak ne’e ba jurnalista sira hafoin
seremonia Natal hamutuk F-FDTL no PNTL iha
GMT, Dili, Sesta-Feria dia 4 de janeiru 2008.
Nia dehan, publiku tenki respeita instituisaun
ida-idak nian. Nune’e PNTL halo ninia
knar tenki halo tuir duni lei nebe mak vigora
ona no F-FDTL tenki halo tuir nia knar nudar
ema defeze ba nasaun ida ne’e nian.
Nia realsa katak, liu husi atitude respeita
ida-idak nia knar ka servisu ne’e hatudu
katak ita iha konfiansa ba malu. Laos povu
deit mak iha konfiansa ba malu maibe F-FDTL
no PNTL mos iha konfiansa ba malu.
“Loron selebrasaun Natal ida ne’e
ami hakarak ho instituisaun rua ne’e
ho ninia kompanheiru sira hodi selebra hamutuk
festa Natal ida ne’e. Liu husi festa
Natal ida ne’e hatudu katak, ami F-FDTL
no PNTL ninia objective katak atu servisu
hamutuk no fo liman ba malu atu nune’e
bele kria estabilidade iha nasaun ida ne’e”,
tenik Taur.
Iha programa barak nebe instituisaun rua
ne’e halo ona. Tuir Taur katak, fiha
fulan hirak liu ba ne’e sira iha ekipa
barak nebe halao servisu hamutuk hanesan aktividades
jogus, no mos aktividade iha sidade Dili laran.
Ne’e mos komandante Interinu Polisi
Nasional Timor Leste (PNTL) inspektur Afonso
de Jesus hateten intituisaun rua ne’e
tenki kria disiplina no iha relasaun diak
iha komunidade nia le’et, atu nune’e
komunidade sira bele fo konfiansa no garante
seguransa iha nasaun ida ne’e.
Sira nebe kaer komando dinstituisaun rua
ne’e, Afonso hateten, tenki haforsa
no hametin disiplina, unidade atu nune’e
ida-idak bele hadia diak liu tan. Atu nune’e
sai hanesan forsa ida nebe legalidade no demokratiku
iha nasaun soberania ida ene’e nian.
Nia esplika katak ho objektivu Natal konjuntu
ida ne’e atu kria relasaun amizade diak
entre instituisaun rua ne’e hatudu ba
populasaun no komunidade internasional katak
instituisaun rua ne’e sempre unidus
no halao relasaun hamutuk hosi hametin estabilidade,
seguransa no paz iha rai doben Timor-Leste.
Nia realsa tan katak, mesmu iha pasadu mosu
konflitu entre membru no individu balu iha
instituisaun ria nia laran, maibe ida ne’e
lahatudu katak iha desintendimentu entre instituisaun
rua ne’e no sempre iha solusaun hodi
buka resolve problema tuir kodiku kondukta
ida-idak ninian iha instituisaun nia laran.
“Papael Natal nebe hakerek ne’e
Hametin Unidade, Seguransa no Estabilidade,
hau hodi instituisaun rua nia naran husu ba
membru individu nebe halo buat ruma iha pasadu
ladun diak karik ho laran haksolok fila fali
mai ita nain hira hamutuk atu loke fila ba
tinan foun ida ne’e be;e kria estabilidade
no garantia paz iha komunidade sira nia le’et”,
nia hateten.
Nia dehan iha tempu ukun-an to’o agora
foin dala uluk instituisaun rua ne’e
halo festa Natal hamutuk. Ida ne’e,
tuir Afonso passu pozitivu husi governu atu
kria relasaun ida nebe metin. Tanba forsa
rua ne’e hanesan pilar matan, tilun,
liman, ain, ruin no isin lolon nasaun ida
ne’e nian.
“Ami rekonhese an katak, forsa rua
ne’e ninia membrus, individu dalaruma
lalaok balun latuir lei hanesan, halo violasaun
kontra komunidade maibe, iha tinan foun ida
ne’e amisei hakas an para minimiza hahalok
sira nebe ladun satisfas ba komunidade sira”,
katak Afonso.
Maibe iha parte seluk mos, nia husu ba komisaun
organizadora iha eventu ida ne’e labele
sai hanesan meiu ida deit maibe atu tau iha
agenda hodi bele kontinua iha futuru oin mai.
Nune’e mos nia kestiona ba governu
tau matan nafatin ba instituisaun rua ne’e
para realize aktividades sorumutu ida ne’e
iha futuru.
Nia salenta katak, hodi intituisaun rua nia
naran husu ba lider politiku sira hotu nebe
involve direitamente no mos sira nebe la involve
iha kuatru governu konstitusional husu atu
kolabora no servisu hamutuk atu nune’e
kria iklima politika ida nebe diak atu nune’e
objektivu hametin unidade, hametin estabilidade
para bele alkansa iha futuru.
Photogrpher: Paulino
I. V. Sousa
