Media Defeza, Tersa 26 Fev 2008

Dili – Governu Aliansa Maioria (AMP) ne’ebe lidera husi Primeiru Ministru Kay Rala Xanana Gusmão oras ne’e daudaun aumenta ona orsamentu ba membrus F-FDTL – PNTL.

Orsamentu ne’e aumenta ba soldadu F-FDTL no PNTL ne’ebe mak involve iha operasaun konjunta hodi buka tuir grupu reveldes sira ne’ebe xefia husi Tenente Gastão Salsinha.

“Durante operasaun hahu, ami ho governu utiliza duni orsamentu ba forsa rua ne’e, tantu husi F-FDTL no PNTL sira tanba, kestaun ida ne’e governu hare daudaun hodi prepara orsamentu ba membrus sira ne’ebe involve iha operasaun konjunta sira sei hetan osan hotu,” informa husi Organizador Operasaun Konjunta, TenKor. Filomeno Paixão no Adjundu Komandante Operasional PNTL, Mateus Fernandes ba jurnalista liu husi konferensia da imprensa horseik, iha salão Memorial Hall, Farol Dili.

Maibe total orsamentu ba F-FDTL no PNTL seidauk bele fo sai lolos, tanba governu sei trata daudaun orsamentu ne’e.

“Konaba numeru ne’e ita labele hateten sai tanba, kestaun ida ne’e sei iha biokrasia administrativa governu nian,” dehan nia.